Ledjana dhe Mevlani ishin një nga çiftet më të dashura për publikun në emisionin “Për’puthen” në sezonin e dytë. Por pas përfundimit të programit, jo vetëm që nuk vazhdojnë njohjen, por as nuk kanë komunikim me njëri-tjetrin. Madje Mevlani ka fshirë edhe këngën nga Youtube, atë që i dedikoi pikërisht asaj, që e ka përpunuar dhe e ka publikuar sërish, pa emrin e Ledjanës.
Por si qëndron e vërteta? Ish-konkurrenti ka zbukuar gjithçka në një intervistë për “Prive”.
“Unë nuk kam qenë i dashuruar, thjesht e kam nis si dhuratë për personin në fjalë. Se pas emisionit, kishte fjalë nga ajo të tipit ‘Me cilin shpirt e bëre këngën që ma dedikove?’. Ajo ishte me zemër, por jo me dashuri, sepse unë nuk e doja atë person, ishte thjesht takimi i parë dhe mendova të bëj një gjë të bukur që thjesht ta kënaq atë”, tha Mevlani referuar këngës së shumëkomentuar.
Por pse e fshiu këngën?
“Pasi mora shumë nënvvlerësime për sjelljet e mia dhe për këngën që i kisha dedikuar, në acarim e sipër mendova që këngën ta fshij nga ‘YouTube’. Isha nervoz se nuk e prisja një reagim të tillë, nuk mendova dy herë, e fshiva këngën. Nuk e kam fshirë me zemër, por në nerva e sipër. Nuk kishte lidhje as me klikimet, as me lekët, se te ajo këngë nuk kam marrë asnjë denar. Nuk ka pas lidhje me klikimet apo për çështje fame”, sqaroi ish-konkurrenti.
I pyetur se pse vendosi ta ndryshonte tekstin, Mevlani tha: “Mendova ta risjell edhe një herë, por këtë radhë jo me dedikim personal, por me një emër tjetër ‘femra e jetës’, që i dedikohet të gjitha femrave. Mendova që femrat e tjera do na e vlerësojnë, meqë personi në fjalë nuk na e vlerësoi kurrë. Dedikime personale nuk bëj më”.
Sa i përket jetës private, Mevlani tha se dhe pse është beqar, është i hapur për një lidhje të bukur dashurie: “Një dashuri në këtë moment, nuk do të ishte keq, sepse do më qetësonte edhe pak mua nga gjithë ky stres i madh. Nëse vjen, e mirëpresim”.
