Drejtoresha e Teatrit Kombëtar të Korçës, Zamira Kita, i dha lamtumirën e fundit aktorit dhe regjisorit të njohur, Dhimitër Orgocka, i cili u nda nga jeta një ditë më parë.
Në mesazhin e saj të lamtumirës, Kita u shpreh se kjo është një ditë shumë e dhimbshme për Korçën, por edhe për gjithë Shqipërinë, pasi ka humbur një nga emblemat e artit.
“Është një ditë shumë e dhimbshme për Korcën, pasi kemi humbur një nga emblemat më të mëdha të artit. Kemi dhimbje të gjithë, e gjithë Shqipëria. Ai është heroi i të gjitha veprave që ka vënë në skenë. Ne do ta kemi si një amanet ta cojmë më tej dramaturgjinë, që ai e donte shumë. Teatri e ka një ikonë, do ta ketë një emblemë. Ai ka një vend të rëndësishëm në teatër, në zemrat e njerëzve. Lamtumirë i dashur koleg!”, u shpreh Zamira Kita./CNA.al
