Tashmë është konfirmuar, legjendari nga Suedia, Jonatan ‘Devilwalk’ Lundberg do të jetë trajneri i ri i Bad News Eagles.
Bad News Eagles me një postim në faqen e tyre në Instagram kanë konfirmuar se Devilwalk do të jetë pjesë e ekipit tash e tutje.
Devilwalk i cili ishte pjesë e ekipit fnatic, është fitues i dy turneve Major, një si lojtar në vitin 2013 dhe tjetrin si trajner në vitin 2015.
Suedezi vjen për të zëvendësuar Klestin “stikle-” Kola, i cili u nda me skuadrën në fillim të dhjetorit për shkak të dallimeve në vizionet e tyre.
Bad News Eagles së bashku me stikle kanë arritur që të shkruajnë historinë duke u bërë ekipi i parë shqiptar që behet pjesë e një turneu Major.
Devilwalk është shprehur i lumtur rreth së ardhmes së tij me ekipin Bad News Eagles, duke theksuar se ka pasur edhe oferta të tjera.
“Jam shumë i lumtur të njoftoj se do të punoj me djemtë e bNe për një të ardhme të parashikueshme, kam pasur disa oferta, por të punosh me një grup kaq të talentuar ndihem si përshtatja e përsosur për mua, mendoj se ajo që ata bëjnë në server mund të të ngrihen në lartësi të reja dhe besoj se mund të jem personi që i ndihmoj ata të arrijnë qëllime të reja”.
“Ata kanë treguar karakter dhe vendosmëri dhe për asnjë çudi janë të preferuarat e fansave për t’u parë me intensitetin e tyre të lartë, aftësitë e mahnitshme dhe duke mbajtur zemrat e tyre në mëngë. Është vërtet motivuese dhe emocionuese të rikthehesh në server dhe të bësh një ndryshim edhe një herë. Shpresoj që ju djema të brohorisni për mua dhe djemtë ndërsa ne hedhim hapat tanë të parë në një udhëtim të ri!”.
Ndërkaq disa fjalë rreth trajnerit të ri i ka thënë edhe kapiteni i ekipit shqiptar nga Kosova, Dionis “sinnopsyy” Budeci.
“Ky është një hap i madh për ne, ne jemi vërtet të lumtur që ai na u bashkua. Të punosh me të është kaq e lehtë dhe loja ndihet shumë më e qetë. Mund të them se ai tashmë është një shembull për të gjithë në ekip dhe na ndihmon shumë të gjithëve në çdo mënyrë që na nevojitet dhe na nevojitet për hapin tjetër”.
“Ne i kemi përafruar qëllimet tona, i kemi veshët hapur dhe po zbatojmë gjëra të reja dhe procese të reja… tani na duhet vetëm ta shfaqim atë në server, por besimi ynë është më i lartë se kurrë me Devilwalk pranë nesh!”. /Telegrafi/
