Ka degjeneruar në sharje e fyerje mes palëve gjyqi për vrasjen e Marvi Mihalit. 23-vjeçari Marvi Mihali, djalë i vetëm i familjes Mihali, u godit me thikë korrikun e vitit 2017 dhe ndërroi jetë për shkak të plagëve të marra pas një konflikti për një karikues telefoni mes një mikut të tij dhe Dejvi Bitrajt. Prokuroria ka kërkuar 24 vite burg për Dejvi Bitrajn, 20 vite burg për Marsel Allën, 25 vite burg për Kridens Allën, 18 vite burg për Eugen Bitrajn.
Tom Bitraj, babai i Eguent Bitrajt, ky i fundit një prej të akuzurave për vrasjen e Marvi Mihalit për një karikues celulari ka reaguar i revoltuar pas seancës së gjyqit.
Tom Bitraj e ka quajtur gënjeshtar babain e të ndjerit, Marvi Mihali, Pavlo Mihalin dhe e ka cilësuar vrasjen e ndodhur si një sherr mes kalamajsh.
“Vunë 500 mijë lekë, cdo muaj për 40 vjet. Djali mund të ishte bërë gjyqtar thanë. 340 mln lekë nxorrën në fund dëmshpërblim. Mos bëjnë zhurmë e mos gënjejnë atje në gjykatë.
S’kam folur kam vlerësuar dhimbjen e atij. Kurrë s’kam dash me e bë kët, po rrenën nuk e duroj dot. Ai më shau unë e shava. Ai(babai i Marvit) është 60 vjeç burrë, edhe unë 60 vjeç, ama duket më i vjetër se unë. Ai (Marvi) ka vdek prej thikës jo prej grushteve. Ai ka dalë shumë në media, s’kam dash me iu kthy ballë-përballë për me i respektu dhimbjen. Ata u zunë si kalamaj. Ky bën si kalama, më vërsulet mu’, tha Tom Bitraj para gazetarëve.
