Pyetja nëse do bëjnë dasmë po ‘i përndjek’ prej kohësh çiftin Ledri Vula-Sara Hoxha. Por diçka e tillë nuk ekziston në planet e tyre…të paktën për momentin.
Kjo e fundit do jetë së shpejti e ftuar në “Goca dhe Gra” dhe në promon e emisionit që është regjistruar ditë më parë, Sara shfaqen me Armina Mevlanin e cila thotë se do flasin edhe ‘për dasmën që do kenë së shpejti’. Në momentin që moderatorja përmend se do të ketë një dasmë së shpejti mes çiftit, Sara nuk e ka përmbajtur dot të qeshurën duke e mohuar këtë lajm. “Çfarë dasme! Jo”, ka thënë Sara.https://streamja.com/embed/dr2Kp
Pak ditë më parë, Sara publikoi një video në You Tube me disa momente nga festa e organizuar për 30-vjetorin dhe një moment që na tërhoqi vëmendje ishte edhe biseda e Sarës me mikeshën e saj teksa bëheshin gati mbi një surprizë që i kishin përgatitur. Sara thotë se në një moment mendoi se do i propozonte Ledri por duke qenë se ai ka ngecur në tra fik i hoqi shpresat.
“Mendja ku nuk më shkon. Me ju thënë të drejtën aq të madhe s ma bëtë një herë thash se do më propozojë Ledri por nuk e kam më këtë ndjenjë se ai është me vonesë.” -tha ajo duke lënë të kuptohet se po e pret një propozim dhe se dasma mund të jetë rrugës. Vetë Ledri tha në “Më lër të flas” se po mendon një propozim por do diçka shumë të veçantë.
Lidhja e Sarës dhe Ledrit u zbulua vite më parë, por vetë çift konfirmoi lajmet në prill të 2020. Asokohe, Ledri publikoi një foto me Sarën teksa shiheshin të përqafuar. Më pas, të dy janë shfaqur të pandarë teksa nisën bashkëjetesën në Prishtinë. Një ‘sakrificë’ nga Sara për dashurinë pasi ajo është rritur dhe jetonte në Gjermani para se të njihte Ledrin. Në po të njëjtin vit ata njoftuan se do bëhen prindër për herë të parë.
Në dhjetor të 2020, çifti mirëpriti në jetë një vajzë që i vendosën emrin e veçantë Poem Blu. Ata nuk kanë ngurruar ta shfaqin të bijën në rrjetet sociale madje i kanë krijuar edhe një llogari me emrin e saj në Instagram.
