Me një lëvizje të papritur, BQE ka pezulluar rregullin mbi kufirin e blerjeve në emetues dhe emetime në programin Pepp kundër pandemisë koronavirus. BQE do të jetë në gjendje të blejë tituj qeveritare dhe obligacione të emetuara nga subjektet ndërkombëtare dhe mbikombëtare, pa kufij në programin e saj të ri të jashtëzakonshëm dhe të përkohshëm prej 750 miliardë euroPepp i cili aktualisht do të zgjasë deri në fund të vitit. Me këtë veprim, BQE nuk do të duhet të respektojë kufirin prej 33% për obligacionet qeveritare dhe 50% për mbikombëtare, e cila deri më tani ka kufizuar blerjet e Pepp të pasurive publike.
Ndërhyrje e jashtëzakonshme
Një veprim i paparë, i cili merr parasysh emergjencën e jashtëzakonshme të pandemisë, dhe që zgjeron plotësisht lirinë e veprimit të BQE-së në sferën e titujve qeveritare dhe gjithashtu të obligacioneve të emetuara nga Bei dhe Mes: teorikisht, në rastin e një emetimi të eurobondëve, BQE do të jetë në gjendje të pajtojë plotësisht shumën, 100%.
Rregullat e reja për Pepp
Në vendimin 2020/440 të BQE-së, i cili ka të bëjë me të gjitha rregullat që rregullojnë Pepp (programi i blerjeve urgjente në rast pandemie), Këshilli Drejtues ka vendosur në nenin 4 mbi sasinë e blerjeve, që blerjet do të bëhen në masën që konsiderohet «e domosdoshme dhe proporcionale», për t’iu përgjigjur kërcënimeve të paraqitura nga kushte të jashtëzakonshme për ekonominë dhe tregjet në këtë pandemi, dhe të gjitha “për të arritur objektivin e mandatit të tij “.
Rregullorja specifikon gjithashtu që blerjet e Pepp do të jenë në gjendje të variojnë në ltituj dhe aktivete me një kohëzgjatje prej 70 ditësh deri në 30 vjet dhe se titujt grek të Shtetit do të hyjnë në programin e jashtëzakonshëm. (ilsole24ore)
