Qyteti i Korçës është përfshirë nga reshjet e dëborës mbrëmjen e sotme. Pas disa ditëve me reshje shiu në të gjithë vendin, që solli edhe përmbytje në një pjesë të zonave, “Parisi i Shqipërisë” është mbuluar nga bardhësia.Në zonën e Korçës të përfshira nga dëbora më parë janë Dardha dhe Voskopoja.
Bora ka zbardhur të gjithë juglindjen duke sjellë vështirësi në qarkullim në të gjitha akset. Për të mbajtur të hapura akset nacionale janë duke punuar më shume se 24 borëpastruese. Trashësia e borës është më e madhe në Kapshticë, në Qafë Thanë, Dardhë, Voskopojë, Zemblak, dogana e Goricës, Maliq-Moglice
Deri tani nuk raportohen rrugë të bllokuara, por policia iu bën thirrje drejtuesve të mjeteve të mos levizin në juglindje, pa qenë të pajisur me zinxhirë. Veçanërisht në rrugët e fshatrave turistikë të Dardhës e Voskopojës.Ndërkohë, qyteti i Pogradecit, njësitë administrative Vithkuq, Gorë, Moglicë dhe Dardhas kanë probleme me energjinë elektrike.
Kujtojmë se Evropa po përballet me stuhinë e dëborës “Filomena”, e cila fillimisht ka ngrirë Spanjën, ku temperaturat në qytezën Bello, të njohur dhe si Siberia spanjolle, zbritën në minus 25 gradë Celsius.
