Janë goditur dy raste të tentativës për kultivim të kanabisit në fshatrat Sevaster dhe Dushkarak në Vlorë ku janë vënë në pranga 3 persona.
Personat e arrestuar janë G. L., 29 vjeç, banues në Orikum dhe F. N., 37 vjeç, banues në fshatin Kotë, autorë të tentativës për kultivim në fshatin Sevaster. Kurse personi me iniciale A. A., 50 vjeç, është autor i tentativës për kultivimin e kanabisit në fshatin Dushkarak. Në vendngjarje u sekuestruan disa fidanë kanabis të mbjellë nga tre personat.
Sipas policisë, materialet i kaluan Prokurorisë, për veprën penale “Kultivimi i bimëve narkotike”, kryer në bashkëpunim.
