Policia e Tiranës ka vënë në pranga një shtetas shqiptar të shpallur në kërkim ndërkombëtar.
Policia bën me dije se një 51-vjeçar shqiptar, i shpallur në kërkim ndërkombëtar nga drejtësia italiane për “Shfrytëzim prostitucioni” dhe “Emigracion i paligjshëm” është arrestuar përkohësisht me qëllim ekstradimi drejt Italisë.
Falë operacionit policor të koduar “Muzgu”, në rrugën e Dibrës, u bë i mundur lokalizimi, kapja dhe arrestimi i shtetasit A. N., alias A. A., 51 vjeç.
“Ndaj këtij shtetasi, autoritetet gjyqësore italiane kanë lëshuar urdhër-arresti ndërkombëtar, për veprat penale “Shfrytëzim i prostitucionit” dhe “Emigracion i paligjshëm”. Veprimet e mëtejshme për ekstradimin e këtij shtetasi drejt shtetit italian do të kryhen nga Interpol Tirana, në bashkëpunim me Interpol Romën”, – njofton Policia e Shtetit.
