Pak kohë pasi u shfaqën publikisht, modelja Arbenita Ismajli dhe reperi Fero janë kthyer në një nga çiftet më të komentuara në mediat rozë.
Dy personazhet e njohur, të cilët numërojnë një numër të lartë ndjekësish në Instagram, publikojnë vazhdimisht momente kur shfaqen mjaft romantikë përkrah njëri-tjetrit.
Para pak ditësh, reperi publikoi klipin “Ride or Die” si një dedikim për Arbenitën e cila ishte protagonist në këtë klip, mirëpo me një foto të fundit Arbenita i ka hutuar të gjithë. Fotoja e postuar është e zakonshme siç jemi mësuar ta shohim çiftin shpesh, mirëpo ajo se çfarë ka shkruar Arbenita i ka shokuar fansat.
“Nëna dhe babai?”, ka shkruar ajo dhe etiketoi Feron, kështu duke ngjallur dyshime se është shtatzënë, ndërkohë që të njejtën foto e ka shpërndarë edhe partneri i saj.
