Shqipëria në 24 mars mori ‘dritën jeshile’ nga Bashkimi Europian për hapjen e negociatave duke u kthyer kështu në një moment historic, që pritej prej shumë vitesh.
Në këtë mënyrë edhe një kapitull i ri hapet për vendin tonë, në raportet me Unionin e të cilit duam të bëhemi pjesë.
Shqipëria duhet të bëhet gati për Konferencën e parë Ndërqeveritare, ku vendi ynë do të ulet në tryezë si e barabartë me vendet e tjera anëtare të BE-së.
Ambasadori Soreca duke iu përgjigjur pyetjeve në Facebook, nëpërmjet një video-mesazhi u shpreh se për tu ulur sa më shpejt në tryezë, Shqipëria duhet të pltoësojë fillimisht katër kushte.
- Reforma zgjedhore e miratuar sipas rekomandimeve të OSBE
- Vazhdimi i reformës në drejtësi, ngritja e Gjykatës Kushtetuese dhe të Lartë
- Krijimi i organeve të specializuara anti-korrupsion, SPAK dhe BKH
- Duhet të fuqizojë luftën kundër krimit dhe korrupsionit.
Më pas janë një sërë kushtesh të tjera, por që do të shtrihen në kohë, pra që janë në kuadrin negociues për vitet në vijim, që janë të përmendura edhe në dokumentin e Këshillit.
Përfitimet konkrete që vendi ynë merr pas hapjes së negociatave përfshijnë, sipas ambasadorit Soreca:
“Shqipëria do të ketë mundësi të bëhet pjesë e tregut të BE-së para se të bëhet anëtare. Shqipëria do të kenë mundësi që të bëhen pjesë e programeve të rëndësishme për arsimin, transportin, bujqësinë apo fatkeqësive natyrore, vendet negociuese do të kenë mundësi për qasjen në fondin e solidaritetit. Shqipëria e nisi rrugëtimin në 2014, tani iu statusi i nivelit të dytë të udhëtarit dhe tani sa më shpejt të ecin reformat, aq më shpejt do të arrijë në nivelin më të lartë” tha ai.
Gjithashtu ambasadori i BE-së, në Shqipëri ka sqaruar opinionin publik se 50 milionë euro ndihma që Unioni ofroi për Shqipërinë për të përballaur krizën e koronavirusit, do të jenë në formë granti dhe jo kredie.
