Pas kërkesës së Komisionit të Venecias për të ruajtur konfidencialitetin mbi draftin paraprak “Mbi emërimin e anëtarëve të Gjykatës Kushtetuese”, të njëjtin qëndrim ka shprehur edhe Ambasada Amerikane në vendin tonë.
Deklarata e Ambasadës Amerikane
Nxisim të gjitha palët që të respektojnë procesin e Komisionit të Venecias, përfshi kërkesën për konfidencialitet të projekt-opinionit deri sa të finalizohet. Mirëpresim vendimin e qeverisë për të mos ndërmarrë veprime të mëtejshme lidhur me legjislacionin përkatës derisa opinioni të finalizohet. Po ashtu mirëpresim deklaratën e bërë nga Presidenti Meta gjatë konferencës së tij për shtyp me Presidentin e Bullgarisë, duke afirmuar rëndësinë e një vendimi pozitiv nga BE për të hapur negociatat drejt anëtarësimit për Shqipërinë. Duhet të qëndrojmë të përqendruar tek ajo që ka më shumë rëndësi – sundimi i ligjit dhe e ardhmja e Shqipërisë në Evropë. /e.s/
