Qeveria e RMV shpalli tre ditë zie pas aksidentit në qendrën COVID në Tetovë dhe pranoi ndihmen nga vendet aleate për të siguruar ekspertë të huaj në hetimin e shpërthimeve dhe zjarreve. Qeveria miratoi gjithashtu rekomandimin që ekipet e ekspertëve të Ministrisë së Brendshme dhe Ministrisë së Shëndetësisë do t’u vihen në dispozicion maksimal autoriteteve të Prokurorisë në procedurat hetimore. Qeveria udhëzoi institucionet kompetente që të përcaktojnë se çfarë lloj ndihme dhe mbështetje shtesë nevojitet për familjet e të vd.ekurve dhe të plagosurve, në mënyrë që ajo të ofrohet në periudhën më të shkurtër të mundshme. Qeveria e RMV falenderoi të gjitha vendet e rajonit, Evropën dhe botën, për solidaritetin e shprehur për ngjarjen tra.gjike dhe ka vendosur të pranojë ndihmen e disa aleatëve të NATO -s për të dërguar në vend ekspertë me nivelin më të lartë të ekspertizës në hetimet e zjarreve, për të ndihmuar në përcaktimin e shkaqeve të zjarrit në qendrën modulare COVID në spitalin në Tetovë.
Keto vendime te qeverise se RMV do t’i japin kesilloj fundi edhe spekulimeve te fundit ne media, per te cilat ka reaguar edhe MSH ne Maqedonine e Veriut, si me poshte: Pas lajmeve që qarkulluan në media dhe në rrjetet sociale këtë mëngjes ku thuhej se kishte patur gabime gjatë ndërtimit të godinës që mund të jenë edhe shkaku i zjarrit në spitalin modular COVID në Tetovë, Ministria e Shëndetësisë së Maqedonisë së Veriut duke rrëzuar këto aludime njofton publikun se të 19 spitalet modulare COVID në vend janë tipike ndërtesa të cilat janë ndërtuar sipas standardeve më të larta mjekësore dhe të sigurisë. Qendrat modulare COVID, përfshirë spitalin në Tetovë, janë hapur pas “pranimit teknik (inspektim i plotë nga autoritetet)”. Gjatë ndërtimit të të gjitha spitaleve modulare, të gjitha materialet e ndërtimit u certifikuan. Ministria e Shëndetësisë maqedonase informon duke dhene detaje ku shprehet se qendra COVID në Tetovë është projektuar me tre hyrje, korridoret janë të gjera 2.4 metra dhe parmakët e dritareve janë të ulëta në rast evakuimi. ”Asnjë dru nuk u përdor në ndërtesë dhe të gjithë elementët e tjerë të nevojshëm për mbrojtje u krijuan”., thekson ministria.
”Pas komisionimit, u bë një pranim i rregullt teknik. Gjatë ndërtimit ka dokumente qe cdo kerkese per ndryshime teknike, jane realizuar. Këto kërkesa u pranuan dhe ato u korrigjuan para se të vihej në përdorim spitali modular dhe shtrimin në spital të pacientëve. Këto dokumente do t’i dorëzohen publikut dhe mediave sot.”, thekson me tej ministria e Shendetesise se Maqedonise se Veriut.
Nga ana tjeter, duke u bere thirrje qytetareve qe te mos qendrojne ne shtepi nese kane nevoje per hospitalizim, thekson se ”Qendra COVID në Tetovë ka të gjitha certifikatat e nevojshme për mbrojtjen nga aksidentet. Ne i bëjmë thirrje publikut të mos spekulojë me një informacion të tillë. Ministria e Shëndetësisë pret që ekspertët e organeve hetimore të hetojnë sa më parë rastin e këtij aksidenti të tme.rrshëm.Të gjitha aspektet e çështjes duhet t’i nënshtrohen një hetimi të plotë dhe të shpejtë dhe sigurisht përgjegjësisë nëse hetimi e tregon këtë. Qendrat modulare të COVID ishin dhe janë akoma vendimtare në trajtimin e pandemisë dhe shtrimin në spital të pacientëve. Ato janë ndërtuar sipas standardeve më të larta, dhe prokurimi i bërë nga Ministria e Shëndetësisë është në përputhje me standardet për spitale të tilla që përdoren në shumë vende të botës.”/LEXO.AL https://vlada.mk/node/26471?ln=en-gb
