Identifikohet targa e automjetit që u përplas në mënyrë fatale sonte në tunelin e Kërrabës.
Mjeti tip Seat mban targën AA 209 AR. Ky automjet u përplas me një kamion në dalje të tunelit të Kërrabës për në Elbasan.
Përplasja ishte aq e fuqishme sa mjeti u bë copë-copë. Pas përplasjes madje ai ka hyrë poshtë kamionit. Fill pas përplasjes mjeti ka shpërthyer në flakë pasi ishte me benzinë dhe impiant gazi.
Megjithëse kanë ndërhyrë menjëherë punonjësit e sigurisë së tunelit, për të ndjerin nuk ka pasur asnjë mundësi shpëtimi. Ai është dërguar në morgun e spitalit të Elbasanit në pritje për tu identifikuar.
