Deri më tani rreth 9500 punonjës kanë marrë “pagën e luftës” të derdhur në llogaritë e tyre bankare, ndërsa 1195 të tjerë jane në proces verifikimi të mëtjeshëm. Këto janë të dhënat zyrtare të Drejtorisë së Përgjithshme të Tatimeve, e cila bën me dije e se deri më tani janë verefikuar aplikimet për 8412 biznese dhe 14,457 punonjës.
Ndërsa është miratuar ndihma financiare për 6273 biznese dhe 10,701 punonjës. Peshën më të madhe e mban Tirana, ku janë të regjistruar 4174 përfitues të cilëve u është miratuar paga minimale prej 26 mijë lekësh, më pas renditet Korcca, Durrësi, Fieri, Elbasani, Berati dhe në fund është Dibra me 315 përfitues. Në total, deri më datën 5 prill kanë aplikuar 36.419 binese dhe 61.229 punonjës.
Po ashtu, Drejtoria e Përgjithshme e Tatimeve bën me dije e deri më tani janë refuzuar 3756 aplikime apo 6 për qind e totalit. Kjo mbështetje financiare e qeverisë në kuadër të masave të marra ndaj frenimit të COVID-19, ofrohet për bizneset e vogla që janë mbyllur gjatë kësaj periudhe si dhe për individët në këto subjekte që kanë mbetur të papunë.
Ndërsa për bizneset e mëdha, po punohet për një paketë tjetër masash financiare.
