Më 7 maj të vitit 1933 u lind Nexhmije Pagarusha, që më pas përmes këndimit, u bë e njohur si Bilbili i Kosovës. Ajo nuk i takon një zhanri të caktuar, por është e njohur për interpretimet e saj të shkëlqyera në muzikën popullore dhe opera.
Një ndër kryeveprat e saj më të njohura është “Baresha”, e kompozuar nga burri i saj Rexho Mulliqi dhe e shkruar nga Rifat Kukaj. Në vitin 2012, ajo u dekorua me “Nderi i Kombit” nga presidenti i Shqipërisë.
Më 7 shkurt të vitit 2020, Nexhmije Pagarusha ndërroi jetë në moshën 86-vjeçare. Në jetën artistike Nexhmija mori shumë çmime të cilat ajo nuk mund t’i veçojë, ndër të tjera “Këngëtare e Shekullit”, të cilin e meriton padyshim. Nexhmije Pagarusha vulosi me emrin e saj shekullin e XX-të.
Në mars 2013 u promovua albumi i parë i Nexhmije Pagarushës. Albumi i saj i nxjerrur në shitje është bashkëpunim me restorant Pishat, biznes ky që i ka dhënë rreth një dekadë përkrahje artit dhe kulturës.
