Komisioni Qendror i Zgjedhjeve ka nënshkruar marrëveshje bashkëpunimi me Komitetin për Pakicat Kombëtare. Marrëveshja e nënshkrua nga Kryetari i KQZ-së, Klement Zguri dhe Kryetarja e Komitetit, Konstandina Bezhani ka si qëllim bashkërendimin e punës për informimin e pakicave kombëtare për zhvillimin e procesit zgjedhor të datës 30 qershor 2019.
Komisioni Qendror i Zgjedhjeve ka nënshkruar marrëveshje bashkëpunimi me Komitetin për Pakicat Kombëtare. Marrëveshja e nënshkrua nga Kryetari i KQZ-së, Klement Zguri dhe Kryetarja e Komitetit, Konstandina Bezhani ka si qëllim bashkërendimin e punës për informimin e pakicave kombëtare për zhvillimin e procesit zgjedhor të datës 30 qershor 2019.
Kryetari i KQZ-së, Klement Zguri u shpreh se në zbatim të ligjit nr.96/2017 “Për mbrojtjen e pakicave kombëtare në Republikën e Shqipërisë”, që përcanton dëtyrimin e KQZ-së për informimin e pakicave kombëtare (greke, maqedonase, arumune, rome, egjiptiane, malazeze, boshnjake, serbe dhe bullgare), por edhe në respektim të të drejtave kushtetuese që zgjedhësit e pakicave gëzojnë. Sipas Zgurit KQZ do të vijojë të punojë me përkushtrim që zgjedhësit e këtyre komuniteteve të informohen dhe edukohen mbi procesin zgjedhor.
Kryetarja e KPK-së, znj. Bezhani deklaroi se Komiteti për Pakicat Kombëtare merr përsipër të vendosë në dispozicion të KQZ çdo informacion apo të dhënë që disponon, për njësitë e qeverisjes vendore ku personat që u përkasin pakicave kombëtare, përbëjnë mbi 20 përqind të numrit të përgjithshëm të popullsisë, si dhe realizimin e përkthimeve në gjuhët e secilës pakicë kombëtare të materialeve informuese, edukuese dhe ndërgjëgjësuese që KQZ do të realizojë për zgjedhjet e datës 30.06.2019.
Objekt i marrëveshjes së nënshkruar është Komunikimi dhe shkëmbimi i të dhënave për njësitë e vetqeverisjes vendore ku pakicat kombëtare përbëjnë mbi 20 % të numrit të përgjithshëm të popullsisë, informimi i pakicave kombëtare për zhvillimin e procesit zgjedhor të datës 30 qershor 2019, përmes materialeve informuese, edukuese dhe ndërgjegjësuese që do të prodhojë KQZ edhe në gjuhët e pakicave kombëtare.
KQZ dhe KPK do të të bashkëpunojnë dhe koordinojnë aktivitete të përbashkëta informuese në njësitë e qeverisjes vendore ku janë të përqëndruar zgjedhësit që u përkasin pakicave kombëtare.
