Zbulim arkeologjik në Zhamë të Lushnjës
Një zbulim i rëndësishëm arkeologjik, ka dalë në dritë, gjatë ditëve të fundit në fshatin Zhamë të Lushnjes. Sipas arkeologëve, këto janë rrënoja të një terme të periudhës romake të ndërtuar në shekullin e parë pas krishtit. Zbulimi ka ndodhur rastësisht nga banorët e zonës dhe për këtë menjëherë është njoftuar Ministria e Kulturës dhe drejtoria e shërbimit arkeologjik.
Banorët e zonës tregohen të gatshëm të ruajnë zbulimin dhe shpresojnë se nisja e gërmimeve do të sjelle turistë dhe zhvillim për këtë lagje të qytetit të Lushnjes.
Pas njoftimit te institucioneve shtetërore pritet të bëhet vlerësimi i zbulimit dhe me pas të nisin gërmimet. Mendohet që kjo termë e periudhës romake ti shtohet hartës turistike të Lushnjës krahas 8- monumenteve të tjera kulturore, përfshirë Manastirin e Ardenicës, disa kisha dhe dy ura të shekullit 12 dhe 18 pas krishtit.
Edhe në fshatin Rrasë të Elbasanit ndodhi një zbulim i ngjashëm. Sëbashku me kalanë e Stan Karbunarës, arkeologët besojnë se, ky do të jetë i famshmi, degëzim jugor i rrugës Egnatia.
