Vjosa Osmani është zgjedhur presidente e Republikës së Kosovës. Ajo ka arritur bëhet presidente pas raundit të tretë të votimit, duke marrë 71 vota të deputetëve të Kuvendit të Kosovës.
Kundërkandidat i Vjosa Osmanit për president ka qenë Nasuf Bejta, raporton “Epoka e re”. Vjosa Osmani në të kaluarën ka qenë pjesë e kabinetit të ish-presidentit Fatmir Sejdiu, deputete në disa legjislatura, kryetare e Kuvendit të Kosovës, nënkryetare e LDK-së dhe kandidate për kryeministre nga kjo parti në zgjedhjet e vitit 2019.
Osmani ishte përjashtuar nga LDK-ja në vitin 2020. Në zgjedhjet e 14 shkurtit Vjosa Osmani ka qenë pjesë e listës zgjedhore të Lëvizjes Vetëvendosjes për deputete, ku kishte arritur të merrte mbi 300 mijë vota.