Vetëvendosje në Shqipëri ka mbajtur sot një konferencë për shtyp, ku paralajmëron një reagim paqësor të mërkurën më 18:00.
VV do të protestojë kundër vizitës në Tiranë të Presidentit të Serbisë, Aleksandar Vuçiç, dhe të Presidentit të “Republika Srpska”, Milorad Dodik, që për shqiptarët janë non grata.
Në fjalën e mbajtur, drejtori ekzekutiv i qendrës së VV në Shqipëri, Boiken Abazi deklaroi: “Ne do të organizojmë një reagim paqësor, qytetar, në kundërshtim të vizitës së Aleksandar Vuçiç-it dhe Milorad Dodik-ut në Tiranë. Këta janë dy politikanë dhe udhëheqës serbë që kanë një të kaluar dhe një të tashme kriminale. Ata nuk kanë shprehur asnjë pendesë për krimet e tyre në luftërat që janë zhvilluar qoftë në Kosovë, qoftë më gjerë në Ballkan. Ata i mohojnë masakrat që kanë ndodhur në luftërat që janë zhvilluar, e shpallin hapur armiqësinë e tyre ndaj kombit shqiptar, ndaj Kosovës dhe shqiptarëve në përgjithësi, me politikat e tyre ekspansioniste ekonomike…”
