Në 24 orët e fundit janë konfirmuar pozitivë me koronavirus vetëm dy raste në qarkun e Durrësit, duke shënuar kështu numrin më të ulët të rasteve pozitive që nga fillimi i shpërthimit të virusit në vend.
“Në 24 orët të fundit janë testuar 168 qytetarë të dyshuar si të prekur me Covid-19. Prej të cilëve kanë rezultuar pozitivë 2 raste, që i përkasin qarkut Durrës.
12 raste i janë shtuar listës të të shëruarve.
“Deri më sot janë konfirmuar pozitivë me COVID-19 në të gjithë vendin 948 qytetarë, ku rreth 77 për qind e të cilëve janë shëruar”.
Në të gjithë vendin aktualisht janë 190 persona aktivë me COVID19, kryesisht ne Tiranë, Krujë, Durrës e Shkodër.
“Situata në spitale paraqitet e qëndrueshme prej ditësh. Aktualisht në dy spitalet COVID janë të shtruar 15 pacientë dhe vetëm 3 prej tyre është në terapi intensive.”
Nga fillimi i epidemisë, deri tani, në vendin tonë janë kryer mbi 12 mijë testime molekulare dhe serologjike.
