Kryeministri Edi Rama ishte këtë të enjte në një takim me punonjësit e Bashkisë së Tiranës ku tha se ai nuk do ikë nga pushteti, pasi sipas tij ka një luftë për të mbaruar.
“Nuk iki se unë kam një luftë për të mbaruar. Nuk e kam thënë ndonjëherë, mua më ka futur në këtë luftë shiu dhe balta e varrezave të Sharrës. Kur erdha nga Franca për të përcjellë tim atë dhe u kthyem në shtëpi nag varrimi, ishim sikur ishim kthyer nga lufta, me baltën deri poshtë gjunjëve. Prandaj nuk i ika dot tundimit që ti thosha po thirrjes së Edi Ramës për tu përfshirë në qeveri.
Pastaj fati mua më nxori në krye të Bashkisë së tiranës, në një qytet që ishte kthyer në tokën e askujt me bikimin e bufit të kënetës, ku pushtohej çdo pëllëmbë e lirë dhe pemët binin si të pushkatuar përditë.
