Gjatë mbrëmjes së djeshme, deri ri mëngjesin e sotëm me dhjetra persona kanë qëndruar pranë godinës së Teatrit Kombëtar.
Mes personave ka qenë e pranishme e dhe kryetarja e LSI, Monika Kryemadhi dhe Petrit Vasili. Sipas policisë, 47 persona ishin grumbulluar te Tetari duke shkelur fashën orare 17.30 të përcaktuar për ndalim lëvizjeje pa autorizim në zonat e kuqe.
Mësohet se ata janë grumbulluar pranë Teatrit Kombëtar, në harkun kohor 20.00 deri në 24.00.
Në zbatim të Aktit Normativ, shërbimet e Policisë kanë proceduar me masat administrative përkatëse, gjobë dhe tërheqje të lejes së drejtimit, shtetasit:
M.K., K.B., L. R., E. B., E. S., P. V., B. K., K. Xh., S. L., S. K., R. K., B. Ç., B. T., E. H., E. Sh., B. B., G. Sh., A. F.,A. K.,A. K., J. Sh., I. G., L. S., A. Q., B. I., F. Xh., D. B., E. M., D. A., A. K., S. B., G. S., G. B., D. T., A. S., L.B., A.D., Sh. M., M., Sh., R. D., R. B., R. Ç., A. H., D. D., B. L., F. Xh. dhe B. I.
Vetë një ditë më parë ishte kreu i Partisë Demokratike, Lulzim Basha, ai që u gjobit për thyerje të kufizimeve të vendosura për parandalimin e përhapjes së koronavirusit.
“Policia e Tiranës, në vijim të monitorimit për zbatimin e masave kufizuese të përcaktuara në Aktin Normativ Nr. 3, datë 15.03.2020 “Për marrjen e masave të veçanta administrative gjatë kohëzgjatjes së periudhës së infeksionit të shkaktuar nga COVID-19”, gjatë kontrolleve të zhvilluara mbrëmjen e djeshme, pas orës 17:30, fashë orare e përcaktuar për ndalim lëvizjeje pa autorizim në zonat e kuqe, ka konstatuar në harkun kohor 20:00 – 24:00, një grup qytetarësh të grumbulluar pranë Teatrit Kombëtar.
