Mbyllen të gjitha portat kufitare për pasagjerët që vijnë nga Gjermania, Spanja, Franca, Austria, Norvegjia, Danimarka, Suedia, Belgjika dhe Holanda.
Me qarkoren e nënshkruar nga ministri i Punëve të Brendshme, Sylejman Sojlu (Süleyman Soylu) në lidhje me epideminë e llojit të ri të koronavirusit (Kovid-19), nga Turqia janë ndaluar përkohësisht udhëtimet në këto vende.
Në deklaratën e Ministrisë së Brendshme bëhet e ditur se nënshtetasit e vendeve në fjalë dhe nënshtetasit e vendeve të tjera që kanë qenë brenda 14 ditëve në këto vende, nuk do të mund të hyjë në Turqi duke filluar nga ora 08.00 (me orën lokale), ndërsa për daljet e tyre nga nuk ka asnjë pengesë.
Ndërkaq bëhet e ditur se edhe për nënshtetasit turq është ndaluar përkohësisht udhëtimi drejt këtyre vendeve dhe ashtu siç është zbatuar më parë për Kinën, Iranin, Korenë e Jugut dhe Italinë, duke marrë për bazë vendimet e përcaktuara nga Ministria e Shëndetësisë, personat që kanë ardhur nga këto 9 vende do të kontrollohen, do të mbahen nën vëzhgim për 14 ditë dhe në rastet e nevojshme do të futen në karantinë.
Gjithashtu fluturimet drejt Gjermanisë, Spanjës, Francës, Austrisë, Norvegjisë, Danimarkës, Suedisë, Belgjikës dhe Holandës janë ndaluar deri më 17 prill.
