U mbyllën ndeshjet e sotme të vlefshme për eliminatoret e Europianit 2020. Italia e nisi me këmbën e mbarë fushatën kualifikuese në grupin J, me një fitore 2-0 në qytetin e Udinezes përballë Finalndës.
Nikolo Barela zhbllokoi shifrat që në minutën e 7-të, pas një goditje të fuqishme nga jashtë zone, duke i bërë gjërat kështu më të lehta për “axurrët”. Ndërkohë, vulosjen e 3 pikëve e bëri talenti i Juves, Moise Kin, i cili vazhdon të mahnisë, duke shënuar pasi u fut në mes të mbrojtjes finalndeze.
Spanja e nisi po ashtu me fitore, edhe pse jo pa vështirësi. Në “Mestalla” të Valencias, iberikët fituan 2-1 ndaj Norvegjisë. Rodrigo zhbllokoi shifrat në minutën e 16-të, ndërkohë që po në pjesën e parë, ishte Eljonusi i norvegjezëve, që humbi një rast të artë për të barazuar në minutën e 31-të.
Gjithsesi, barazimi erdhi në minutën e 65-të, ku King shënoi pas një penalltie të fituar. Baraspesha zgjati vetëm 6 minuta, pasi po me anë të një penalltie, shënoi edhe Serxhio Ramos për Spanjën me një “panenka”, të fituar nga Alvaro Morata.
Në takimet e tjera, Bosnja fitoi 2-1 ndaj Armenisë, ndërsa Greqia fitoi 0-2 në transfertë, përballë Lihtenshtejnit. /UrbanNews.al