Vllaznia dhe Partizani kanë zhvilluar një ndeshje me tepër emocion në finalen e parë ‘Play-Off’ për meshkuj.
Partizani në Volejboll për Meshkuj ka fituar finalen e parë të “play-off-it” kundër Vllaznisë. Në Shkodër u zhvillua një ndeshje tepër e dyluftuar e cila më shumë sesa për spektaklin në lojë vlen për t’u veçuar për tifozët e zjarrtë në pallatin e sportit.
Seti i parë i takoi vendasve të cilët e mbyllën 25-20, ndërsa i menjëhershëm ishte reagimi i Partizanit në setin e dytë që me shumë vështirësi triumfoi 24-26. Shkodranët morën sërish avantazhin në setin e tretë pasi fituan 25-23, por skuadra kryeqytetase e drejtuar nga Ylli Tomorri nuk u dorëzua dhe barazoi 2-2 me sete.
Në setin e pestë Partizani u tregua skuadër më e përgatitur si në anën fizike ashtu edhe atë psikologjike duke fituar 12-15. Gjithsesi ende asgjë e vendosur përsa i përket fituesit të finaleve edhe pse në Shkodër takimi zgjati për 2 orë e 25 minuta. Ndeshja e ardhshme mes këtyre skuadrave do të luhet në kryeqytet.
