Një 32-vjeçar shqiptar ka plagosur dy policë në tentativë për t’u arratisur. Ngjarja është regjistruar më 24 prill në Rimini. Karabinierët morën lajmin se dy shqiptarë kishin kryer një grabitje. Menjëherë ata nisën ndjekien e tyre.
Njëri prej shqiptarëve mundi të arratisej, ndërsa tjetri u përpoq të fshihej në lulishtet e shtëpive në rrugën “Marco Polo”, duke përfituar edhe nga mungesa e ndriçimit. Karabinierët e identifikuan menjëherë dhe shqiptari nxorri një levë dhe goditi njërin prej tyre në parakrah, ndërsa tjetrin në këmbë.
Më pas shqiptari u fut në oborrin e një shtëpie private, ndërsa në shpinë mbante çantën me sende të vjedhura. Sapo vuri re se njëi nga policët po e ndiqte, e qëlloi me një statujë mermeri, por pa e rrokur.
Pas arrestimit karabinierët kontrolluan çantën e tij dhe gjetën sende të ndryshme prej ari, disa të holla dhe mjetet që përdorte për të kryer grabitjet. Shqiptari u dërgua në paraburgim, ndërsa hetuesit janë duke mbledhur prova të tjera.
