Tirana, Durrësi, Kruja, Kurbini dhe Shkodra janë 5 qytetet që mbeten zona të kuqe në vend. Në këto qytete lëvizja nga sot do lejohet deri në orën 21:00.
Gjithashtu për të gjitha zonat e kuqe nuk duhet më leje për këmbësorët apo për makinë, në mënyrë që të lëvizni deri në orën 21:00. Por një banor nga zonat e kuqe nuk mund të dalë nga qyteti. Sot Policia ka marrë masa edhe më të forta, ku nuk lejon asnjë makinë që të futet në zonat e kuqe, përveç atyre që transportojnë mallra.
Ndërkohë në zonat e gjelbërta nuk ka asnjë kufizim për lëvizjen, me këmbë ose me makinë.
