Shqipëria ka mposhtur Andorrën me rezultatin 0-3 në sfidën e vlefshme për kualifikueset e Europianin 2020. Golat e Armando Sadikut, Bekim Balajt dhe Amir Abrashit i siguron triumfin kuqezinjve të drejtuar nga dyshja Bulku-Mema.
Një fitore karakteri për Kombëtaren që arriti të siguronte 3 pikë tepër të rëndësishme në transfertë, duke lënë pas krahëve humbjen në “Loro Boriçi” ndaj Turqisë.
Ishte Sadiku që në minutën e 21-të hapi serinë e golave, pas një “dhurate” të portierit kundërshtar. Pjesa e parë u mbyll me avantazhin e një golit. Ndërkohë në fundin e ndeshjes, Shqipëria shënoi edhe 2 herë të tjera me Balajn dhe Abrashin.
Duhet theksuar se kushtet ku u zhvillua përballja linin për të dëshiruar, teksa stadiumi i Andorrës ngjasonte me një fushë kalçetoje. /UrbanNews.al
