Procesi i rindërtimit të banesave të dëmtuara nga tërmeti pritet të kërkojë angazhimin e një fuqie punëtore të konsiderueshme në sektorin e ndërtimit.
Por Shqipëria mund të mos arrijë të plotësojë me burimet e brendshme këtë nevojë,ndaj për këtë qëllim kompanitë shqiptare do të kenë të drejtën e aksesit direkt në tregun e punës jashtë vendit.
Për këtë qëllim,kryeministri tha se do të miratohet në seancën e 19 dhjetorit edhe ligji përkatës.
“Kemi problem me fuqinë punëtore në ndërtim dhe duhet përfituar nga lehtësimi që bëmë për marrjen e fuqisë punëtore dhe nga jashtë.
Ta çojmë në parlament ligjin e ta mbyllim aksesin e menjëhershëm në fuqinë punëtore të huaj në rast se del nevoja për fuqi punëtore sepse duhen mijëra njerëz që do të përfshihen në punë.
Kështu që në seancën e datës 19 dhjetorit duhet të kalojë e gjithë paketa për aksesin në fuqinë punëtore në mënyrë që nëse ka boshllëqe, kompanitë të jenë të gjendje që të mërrin fuqi punëtore nga jashtë pa humbur kohë” tha kryeministri në mbledhjen e qeverisë.
SCAN
