Një operacion i policisë së Tiranës i koduar “Recidivist”, ka goditur një rast të shpërndarjes së drogave të forta në doza të vogla, duke vënë në pranga një person.
Në bazë të informacioneve të siguruara në rrugë operative nga burime të ndryshme, uniformat blu finalizuan operacionin, duke vënë në pranga A. M., 50 vjeç, banues në Tiranë, i dënuar më parë për veprën penale “Prodhimi dhe shitja e lëndëve narkotike”.
Gjithçka pasi nga hetimet rezultonte se i dyshuari, shiste në qytetin e Tiranës lëndë narkotike droga të forta kryesisht kokainë, personave të ndryshëm përdorues të lëndëve narkotike, të cilën e siguronte jashtë qytetit të Tiranës.
Kështu u bë kapja në flagrancë e të dyshuarit me doza lënde narkotike kokainë, e gatshme për tu hedhur në treg në zonën e Alliasit ku gjatë kontrollit fizik dhe në banesë iu gjet dhe iu sekuestrua 87 gramë lëndë narkotike kokainë e ndarë në 174 doza gati për shitje.
Gjithashtu u sekuestrua edhe një automjet i markës Mecedez Benz me të cilin lëvizte i dyshuari për tregtimin e lëndës narkotike.
Ndaj të dyshuarit hetimet janë në vijim, ndërkohë që materialet iu referuan Prokurorisë së Tiranës për veprën penale “Prodhimi dhe shitja e lëndëve narkotike”
