Leonardo DiCaprio, përveçse është një nga aktorët më të mirë në botë, vitet e fundit është shndërruar gjithmonë e më shumë në një “avokat” të natyrës, ekosistemeve dhe klimës së planetit tonë. Ai shfrytëzon jo vetëm rrjetet e tij sociale si platforma për të folur mbi problemet e ruajtjes së natyrës, por edhe daljet publike apo fjalimet në eventet e rëndësishme.
Postimin e fundit në Instagram, DiCaprio ia ka kushtuar sërish Shqipërisë, më saktësisht lumit Vjosa. Kjo nuk është hera e parë që ai shkruan për dhjetra milionë ndjekësit e tij në lidhje me atë që e quan “një lumenjtë e fundit të egër në Evropë”, pasi më parë ai iu bashkua nismës që kërkonte mos ndërtimin e HEC-eve mbi këtë lum. Gjithsesi këtë herë Leo shkruan se qeveria e Shqipërisë është një hap më afër parkut të parë kombëtar të lumit të egër në Evropë.
“Qeveria e Shqipërisë është një hap më afër parkut të parë kombëtar të lumit të egër në Evropë, pasi së fundmi ka partneritet me @Patagonia për të mbrojtur lumin Vjosa – një përpjekje që përfshin fushatën #SavetheBlueHeartofEurope.
Lumi Vjosa i Shqipërisë është lumi më i madh i egër në Evropë. Lumi dhe degët e tij rrjedhin të pazbutur nga burimi në det, duke krijuar një ekosistem të biodiversitetit që mbulon mbi 300 km. Ajo është shtëpia e 1,100 llojeve të kafshëve, duke përfshirë 13 kafshë të kërcë nuara globalisht dhe dy specie bimore.”https://www.instagram.com/tv/CfuYVu_DXeS/embed/captioned/?cr=1&v=14&wp=1023&rd=http%3A%2F%2Fwww.panorama.com.al&rp=%2Fpanoramaplus%2Fvideo-shpallja-e-lumit-vjosa-park-kombetar-reagon-leonardo-dicaprio-puna-fillon-ketu%2F%3Ffbclid%3DIwAR3HSq9CfSe9GS0hYv3vH0VeMh9VaJHTMju8-PEbFGxpWS-FWZjb9J3Ao0U#%7B%22ci%22%3A0%2C%22os%22%3A894%2C%22ls%22%3A733%2C%22le%22%3A804%7D
Më herët gjatë muajit të kaluar qeveria shqiptare bëri me dije se Vjosa do të shpallet Park Kombëtar. Në një aktivitet të posaçëm, u firmos marrëveshja mes Ministrisë së Turizmit dhe organizatës amerikane Patagonia për nisjen e punës së përbashkët për ta shpallur Vjosën Park Kombëtar.
