Dentisti amerikan Eric Naierman, u nis nga jugu i Floridës drejt Denverit me një objektiv të qartë në kokë: atë të zgjerimit të koleksionit të vet të videolojërave.
Në fund të ditës së tij “të egër” të blerjeve, stomatologu kishte siguruar gati 40 video lojëra të rralla për më shumë se një milion dollarë.
Kjo konsiderohet shitja më e madhe në historinë e lojërave të tilla. Ndër ato që Naierman ka siguruar kishte dhe lojëra të pahapura e një pjesë kanë qenë edicione të para, të cilësuara si “unike në llojin e vet”.
Disa prej tyre janë pjesë e serisë “Kutia e Zezë”, e Nintendos, çka e bën koleksionin e Naiermanit një ndër më të rëndësishmit në botë, si për nga numri i pjesëve të rralla që ka, ashtu dhe për nga shuma e shpenzuar.