400 kilogramë kokainë anë sekuestruar nga autoritetet japoneze në portin e Kobe-s, një sasi e paparë ndonjëherë në vend, vlera e së cilës llogaritet në tetë miliardë jen (66 milionë euro).
“Ky është një rekord, për sa i përket sasisë, për një sekuestrim kokaine në Japoni”, deklaroi një zëdhënës i autoriteteve.
Rekordi i mëparshëm ishte në gusht, kur u sekuestruan 177 kilogramë kokainë në një port tjetër, në prefekturën Aichi.
Trafikantët mund ta kenë dërguar gabimisht ngarkesën në Kobe, njoftuan burimet pranë hetimit, sipas të cilave ngarkesa u gjet në kontejnerë transporti detar.
Trafiku i drogës në vend është një nga burimet kryesore të të ardhurave për grupin kriminal vendas, Yakuza.
