Është shkatërruar në Romë të Italisë një organizatë kriminale që vepronte mes dy drypimeve, Lovine i klanit mafioz Casalesi (Caserta në provincën e Napolit) dhe grupit Guarnera të Acilias (Romë).
Pjesë e këtij grupimi kriminal ishte edhe shqiptari Arben Zogu, i cili u arrestua bashkë me katër anëtarë të tjerë me akuzën për përfshirje në aktivitete të jashtëligjshme.
Prej veprimtarisë së tyre Gjykata në Romë ka sekuestruar pasuritë e Arben Zogut, Sergo Guarnera, Sandro Guarnera, Mario Lovine, Franco Crispoldi, raportojnë mediat italiane, përcjell Lajmi i Fundit.al.
Autoritetet italiane kanë arritur të sekuestrojnë në total 22 milionë euro pasuri, të gjitha të dyshuara si të ardhura nga aktiviteti kriminal. Janë sekuestruar kapitalet i 7 sipërmarrjeve, 9 banesa, një sipërfaqe toke, 2 automjete, 1 motor e mjete të tjera.
Arben Zogu njihej me nofkën Rikardino dhe akuzohet ndër të tjera si pjesë e grupimit mafioz e kriminal dhe gjykata kërkoi për të 20 vite burg.
Por, pas 5 viteve në qeli, gjykata e liroi shqiptari këtë qershor me liri të kushtëzuar ku është i detyruar të qëndrojë në shtëpi.
