Tashmë të gjithë janë bërë shofera, por në fakt asnjë nga ata që bëjnë një kurs 3 mujor që në fakt nuk bëjnë asnjë muaj mësim, nuk janë shofera ose për të mos u ngrën hakën… janë shofera sa një fëmijë që drejton një makinë lodër në një kartodrom. Ndaj ndodhin aksidente nga më të çuditëshme, që rrallë mund të ndodhin në vende të civilizuara.
Por, në kohën e diktaturës shoferat ishin të paktë ashtu si makinat. Drejtuesi i mjetit është profesion dhe jo shaka, ndaj ka disa kategori lejesh drejtimi, që nga manovratori i makinerive të ndërtimit e deri tek drejtuesit e mjeteve të rënda. Madje në vendet si Amerika , Kanadaja apo Australia është nga profesionet më të paguar.
Të paiseshe me një patent profesionale shoferi në kohë të diktaturës ishte privilegj, sepse kishe grantuar punësimin e përhershëm, por për tu paisur me një patent një të riu 18 vjeçarë i duheshin 1 vit e 6 muaj kohë dhe 9 muaj vetëm praktik me mjete të kategorisë “C” ose Zis siç quheshin këto mësimore./Tellalli.al
