Tirana, Durrësi dhe Lezha janë zgjuar sot nën të ashtuquajturin “shtetrrethim”. Qeveria mori vendimin për të ndaluar të gjithë transportin qytetas dhe ndërqytetas si dhe automjetet private, si masa ekstreme për të parandaluar përhapjen e coronavirusit COVID-19.
Rrugët janë bosh dhe kudo sheh patrulla të policisë të cilët ndalojnë dhe kontrollojnë ato tek tuk makina që lëvizin. Gjithashtu janë të mbyllura të gjitha lokalet, supermarketet e mëdha dhe qendrat tregtare. Janë të hapura vetëm ushqimoret, furrat e bukës dhe farmacitë.
