Nexhmije Hoxha u nda nga jeta në moshën 99-vjeçare dhe Rezarta Shkurta nuk ka hezituar ti dedikojë disa fjalë prekëse në rrjetin e saj social.
E mërzitur nga vdekja e gjyshes së bashkëshortit, Rezarta u shpreh se ajo kishte bërë “histori”.
Në shrkimin emocionues përmend se plani i fundit që kishte Nexhmija ishte të publikonte librin e saj më të ri “Përjetime dhe meditime në jetën time politike”, dhe më pas ishte shprehur se mund të vdiste.
Shkrimi i plotë
Pata fatin të njoh një zonjë “Histori”
Një gjyshe e stërgjyshe të dashur.
Një grua shekullore për nga mosha, fuqija dhe dija e saj. Një grua luftarake deri në fund!
Kujtimet dhe përshtypjet e para që kam për Nexhmije Hoxhën ishte përpikmëria.
Oraret e sakta pa lëvizur sekondi, në zgjimin, vaktet, takimet apo kur ulej të shkruante kujtimet e saj. Për mua aso kohe por edhe sot ishte dhe është e pabesueshme se si një njeri për aq vite me aq përpikmëri të organizonte jetën e saj.
Më pas pata fatin të isha fotografja personale. Ndërkohe që e fotografoja këtë zonjë 99 vjeçare, pasi më kish cituar me përpikmëri se si e dëshironte foton, apo korigjonte në mënyrë të detajuar këndet fotografike, kuptoja se jo rastësisht kjo zonje kish bërë Histori.
Një nga planet e saj, ishte të realizonte librin e saj të fundit “Perjetime dhe meditime në jetën time politike” e më pas e qeshur thoshte mund të iki nga kjo botë. Dhe ashtu bëri kjo zonjë e mahnitshme, e zbatoji planin siç kish bërë gjithë jetën e saj.
E fortë, e kthjellët me një memorie të jashtëzakonshme, sot nuk u zgjua nga pushimi i pasdites, por la pas dashurinë dhe një trashëgimi historike.
Të prehesh në paqë Nëna Mija.
