Në kuadër të revolucionit digjital këtë javë në portalin e-Albania janë shkarkuar 85 796 dokumente me vulë elektronike, ndërsa në portal janë 14 103 përdorues të rinj.
Në statistikat e publikuara nga e-Albania, rreth 44 853 është numri i përdoruesve të portalit.
Gjithashtu, 266 440 janë përdorues të shërbimeve elektronike gjatë javës që u mbyll.
53 358 është numri i certifikatave të gjeneruara nga portali e-Albania, një kursim prej 2.7 milionë lekësh. 4 169 është numri i vërtetimeve të gjeneruara nga bizneset, që kanë kursyer 43 ditë kohë. 13 973 është numri i aplikimeve për shërbime konsullore nga shqiptarët jashtë vendit, të cilët përfitojnë dhe lehtësim të procedurave.
Ndërsa 85 796 është numri dokumenteve me vulë elektronike të shkarkuara në portal gjatë javës që sapo mbyllëm.
Sipas statistikave të publikuara, në portalin e-Albania shërbimi më i kërkuar gjatë javës që sapo mbyllëm është certifikata familjare, për të vijuar më kartën e shëndetit, Certifikatën personale, Vërtetim për pagim të kontributeve për individ, ndërsa më tej është konfirmimi për gjendjen aktive të mjetit.
