Kryeministri Edi Rama zgjodhi një nga familjet e prekura nga tërmeti i fortë i 26 nëntorit në Gjorm, Laç për të uruar Krishtlindjen për të gjithë shqiptarët.
“Dua të uroj gëzuar Krishtlindjen ju dhe gjithë atyre familjeve të prekura nga tërmeti. Të jeni të gëzuar e me shëndet. Vitin tjetër Krishtlindjen në shtëpinë e re”, – u shpreh kryeministri Edi Rama.
Gjatë bisedës me banorët, kryeministri Edi Rama u shpjegoi atyre projektin që do të zbatohet në zonën e Laçit, ku pritet të ndërtohen 500 apartamente donacion i qeverisë së Turqisë.
“Laçi do të bëhet një qytet interesant. Vitin që vjen do të ketë përfunduar rindërtimi i tij. Projekti është shumë i bukur. Studimi është bazuar mbi tiparet tradicionale shqiptare të shtëpive”, – tha kryeministri Rama.
Sipas tij, godinat janë parashikuar 5-katëshe, kati i parë biznes dhe katër katet e tjera apartamente.
Kryeministri informoi po ashtu se në fillim të pranverës do të nisë edhe ndërtimi i godinave individuale.
Byreku me mish arre dhe mishi i derrit janë dy gatimet tradicionale të zonës që u servirën në tryezë e familjes që ndau drekën e Krishtlindjes me kryeministrin Rama.
Banorët e Laçit shtëpitë e të cilëve u dëmtuan nga tërmeti janë të sistemuara në çadra dimërore. /a.gjonaj/j.p/
https://m.facebook.com/story.php?story_fbid=1480140525478076&id=138734771522
