Mesatarisht, njerëzit zgjohen diku rreth orës 6:00- 7:30. Mbarojnë me rutinën e mëngjesit, marrin dhe një filxhan kafe në dorë (nëse je në Shqipëri, kafja pihet me terezi) dhe sërish përfundojnë vonë në punë.
Pastaj duket sikur asgjë gjatë ditës nuk shkon mbarë dhe sheh që gjysmat e planeve në mendjen tënde nuk u bënë. Ka një zgjidhje dhe ajo është ora 5:30 e mëngjesit. Dikush eksperimentoi për një muaj rresht dhe vuri re si jeta i ndryshoi pas rutinës së re.
1. Ndihesh më produktiv
Njerëzit e suksesshëm zgjohen herët. Dhe është e vërtetë. Zgjimi herët do të thotë një mendje e kthjellët, një përqëndrim më i lartë dhe organizim më i mirë. Ke kohë mjaftueshëm për të kontrrolluar email-et, Facebook-un , për të pirë kafe dhe për të mos lënë asnjë punë pas dore. P Përveç jetës profesionale do të shihni sa mirë do t’ju shkojnë edhe çështjet personale.
2. Çdo gjë mund ta marrësh më shtruar.
2 orë para se të shkosh në punë mjaftojnë për të bërë çdo gjë. Mund të marrëshë me qetësi rutinën e përditshme pa nxituar se je vonë!
3. Zhvillon zakone të reja!
Kur zgjohesh herët ke mundësinë t’i bësh realitet ato rituale që kishe në mendje prej kohësh.Pas vizitës në banjë, larjes së dhëmbëve, veshjes dhe grimit ke kohë mjaftueshëm për të lexuar, për të folur në telefon apo për të bërë joga!
4. Fiziku juaj ndryshon për mirë!
Kur zgjohesh herët, koha që tepron i dedikohet palestrës. Ose një xhiroje aty rrotull. Ose rruga për në punë bëhet në këmbë. Ora 5 e mëngjesit është perfekte për ata që duan të humbasin disa kilogram.
5. Shijon heshtjen e qytetit
Orët e para të mëngjesit janë ato më të paqtat. Askush nuk vrapon, autobuzët janë të lirë dhe ajri është më i pastër. Gjatë kësaj kohe mund të meditosh, madje dhe të marrësh vendime të rëndësishme për veten.
6. Ha vakte të shëndetshme
Mëngjesi nuk haet më në 11, dreka në 5 dhe darka në 10-të! Koha mjafton për të ngrënë në orën e duhur, ushqimet e duhura!
