Partizani ka hapur merkaton, pasi ka zyrtarizuar futbollistin e parë William Cordeiro. Braziliani u largua nga Kukësi dhe tashmë do t’i bashkohet ekipit kreyqytetas. Ai është afruar për krahun e djathtë të fushës dhe do të jetë në listën e trajnerit Lerda që në fazën përgatitore në Slloveni.
Të kuqtë zyrtarizuan pak më parë afrimin e mbrojtësit me tipare sulmuese. “Klubi Futbollit Partizani zyrtarizon sot arritjen e marrëveshjes me Uilliam Kordeiro Melo. Mbrojtësi i djathtë brazilian do të jetë pjesë e skuadrës për sezonin e ri futbollistik 2019 – 2020, pasi ka nëshkruar kontratën me klubin me opsion rinovimi edhe për një tjetër vit.
“25 vjeçari vishet i kuq, pas eksperiencës pozitive te Kukësi, skuadër me të cilën u aktivizua në 33 ndeshje duke realizuar edhe 5 gola. Uilliam i cili përshtatet mjaft mirë në mbrojtje edhe në mesfushë, do ti bashkohet sot kampionëve në fuqi, për të nisur përgatitjet me skuadrën”, – përfundon lajmërimi.
