Gjatë mbledhjes së sotme të Komitetit të Ekspertëve, Zv ministrja e Shëndetësisë, Mira Rakacolli ka theksuar se aktori dhe moderatori Ermal Mamaqi është gjobitur nga policia pas aktivitetit që zhvilloi pak ditë më parë në një kinema. Këtë përgjigje Znj. Rakacolli e dha pasi u pyet nga mediat e pranishme në konferencë.
Rakacolli zbuloi se Ermal Mamaqi është gjobitur nga policia pasi organizoi një trajnim ku tregonte se si të fitoheshin 50 mijë euro brenda një viti. Në eventin e organizuar nga Mamaqi shihej pjesëmarrja e qindrave qytetarëve të cilët mësonin, festonin dhe kërcenin pa mbajtur maska mbrojtëse.
