Pas golit të Milot Rashicës edhe UEFA ka reaguar në faqen zyrtare në Twitter : “Rashica në vitin 2019: 11 paraqitje, 9 gola”.
Milot Rashica e frymëzoi Werder Bremenin drejt arritjes në gjysmëfinale të Kupës së Gjermanisë, duke shënuar një gol të jashtëzakonshëm në fitoren 2:0 kundër Schalkes në Gelsenkirchen të mërkurën mbrëma.
Ylli Kosovës e mbështeti pohimin se është njeriu më në formë i Bremenit këtë vit, duke e realizuar golin e nëntë në vitin 2019, kur e bombardoi portën e Nubel në minutën e 72-të për ta kaluar skuadrën e tij në epërsi.
Anësori i Kosovës Rashica tani ka dy gola në tre paraqitje për Bremenin në kupë, ndërsa në total nëntë gola në 11 paraqitje në të gjitha garat këtë vit.
