Kompania farmaceutike “Moderna”, me qendër në SHBA, e cila prodhon barna ka dorëzuar grupin e parë të vaksinës së re të koronavirusit në agjencinë shëndetësore amerikane, në mënyrë që të jetë në gjendje të nisë testet e para tek njerëzit, përcjell in7.
Kjo kompani dje njoftoi se kishte dërguar kopje të vaksinës në Institutin Kombëtar të Alergjisë dhe Sëmundjeve Infektive (NIAID) dhe pret që provat e para klinike të njerëzve të fillojnë në fund të prillit, kurse rezultatet paraprake priten të daalin në korrik ose gusht.
Ndërkaq Organizata Botërore e Shëndetit (OBSH) dje njoftoi se bari antiviral kundër Ebola-Remdesivir, ka rezultuar të jetë efektiv në zvogëlimin e simptomave të Covid-19.
Nga OBSH shtojnë se testimet klinike te njerëzit po kryhen dhe rezultatet do të publikoheen brenda disa javësh.
