Franca dhe Shqipëria intensifikojnë bashkëpunimin e tyre në fushën e mbrojtjes. Ministria e Mbrojtjes e Republikës së Shqipërisë dhe Ministria e Forcave Të Armatosura të Republikës së Francës nënshkruan planin e Bashkëpunimit për vitin 2020.
Drejtori i Përgjithshëm i Politikave të Mbrojtjes, Florian Kali dhe atasheu ushtarak i Republikës së Francës në Tiranë, kolonel Fabrice Duda firmosën dokumentin që parashikon një sërë aktivitetesh me interes të përbashkët për edukimin dhe trajnimin profesional, por dhe intensifikimin e ndërveprimit në fushën detare dhe atë ajrore.
Nënshkrimi i këtij plani për vitin 2020 vjen pikërisht pas kontributit të rëndësishëm që Franca pati për organizimin e Konferencës së Donatorëve në Bruksel, ku Shqipëria mori një solidaritet dhe mbështetje të madhe për rindërtimin pas tërmetit të 26 nëntorit 2019.1 nga 2
