Është arrestuar në Itali, 27-vjecari shqiptar, Klodian Nikolli, i quajtur nga mediat fqinje si “Doktor K”. Shqiptari maskohej si një student në Universitetin e Bocconi dhe madje kishte postuar në rrjetet sociale se ishte diplomuar, diplomë e cila rezultoi false.
Ai ishte i specializuar në vjedhjet e shtëpive luksoze dhe në muajin shkurt u dënua me arrest shtëpie, por menjëherë u zhduk. Pas tre muajve në arrati, ndoshta duke vjedhur e bastisur shtëpitë luksoze, Nikolli u vu sërish në pranga.
Në shtëpinë e tij u gjendën piktura të piktorëve të shekullit të 20-të, orë luksoze dhe madje unaza me diamante, të gjitha të vjedhura në shtëpitë në Milano.
