Leja e re e qarkullimit të mjeteve që prej të hënës më 6 Qershor do të jetë plotësisht në standardet e Bashkimit Europian. Kështu ka bërë të ditur Kryeministri Edi Rama i cili bën me dije se dokumentet e mjeteve do të unifikohen në një të vetme.
“Stop orvatjeve dhe me një pagesë ku kostot ulen me 40%, tashmë leja e re e qarkullimit unifikon përfundimisht dokumentet e mjetit në një të vetme. Leja e re nuk do të jetë e detyrueshme për qytetarët që kanë lejen e vjetër të mjetit”, shkruan Rama.
Leja e re e personalizuar e dokumentit të ri unik do të kushtojë 2,100 Lekë dhe falë cilësisë dhe sigurisë me standardet e BE-së eliminon nevojën për lejen ndërkombëtare të mjetit.
Me këtë ndryshim ligji qytetari që udhëton jashtë Shqipërisë lehtësohet nga kostot dhe kursen kohë, sepse nuk do i duhet që çdo 3 vjet të kërkojë e paguajë leje ndërkombëtare.
