Këngatarja shqiptare, me famë botërore, Dua Lipa, ishte e ftuar për një intervistë në emisionin amerikan “Jimmy Kimmel Live”. Gjatë intervistës Dua foli për lajmin që pushtojë të gjitha mediat botërore, siç ishte ajo e shtatzënisë. Bukuroshja hodhi poshtë të gjitha thashetheme, dhe sqaroi një herë e mirë se si qëndronte e vërteta e postimit në “Instagram”.
Sigurisht që vëmendja e intervistës ishte nominimi i Duas, 6 herë në çmimet “Grammy”, i cili do të zhvillohet në mes të marsit, dhe më pas për besëtytnitë e familjes së saj, e të të gjithë shqiptarëve.
Ndërsa moderatori i famshëm Jimmy Kimmel, e pyeti se sa e emocionuar është që do të performojë në “Grammy” dhe nëse është ndopak supersticioze, këngëtarja tha: “Po jam”.
Dua pohoi se deri në një masë është supersticioze, dhe se ndoshta kjo i vjen nga fakti se është shqiptare. Moderatori nuk nguroi ta pyes këngëtaren nëse shqiptarët janë supersticiozë dhe të ndante me të disa supersticione që ajo dhe familja e saj kanë.
Me shumë qef, Dua Lipa i tregoi Jimmy-t disa nga supersticionet më për të qeshur që të gjithë shqiptrët i kanë.
“Në familjen time ka supersticione të tilla si: Mos hidh plehrat natën, mos laj rrobat ditën e premte, nëse të kruhet hunda do bëhesh me nerva dhe duhet të prekësh prapanicën tre herë që mos të ndodhë”, thotë ajo duke qeshur.
“Nëse të kruhet dora e majtë do marrësh para, nëse të kruhet dora e djathtë do humbasësh para”-tregoi ndër të tjera Dua.
Më pas ajo shton, “Në mënyrë që të mos kapë syri i keq për ndonjë ditë të veçantë të jetës tënde, duhet të veshësh të brendshmet mbrapsht”.
