Lumma Design, kompani për modifikimin e veturave, ka publikuar modelin e ndërhyrë të serisë ‘G-Class’ të Mërcedes.
Për këtë veturë, firma ka përzgjedhur rrotat 22-inç nga alumini, gjashtë gypa shkarkimi të gazrave në pjesët anësore, transmeton lajmi.net.
Krahas aspektit teknik, ndërmarrja ka investuar edhe në eksterierin e makinës, duke i vënë xhama të errëta dhe maskë të përparme.
Kompania ka konfirmuar se modeli i ndërhyrë është i pajisur me motor 4.0 litërsh të tipit V8.
Automobili posedon gjithsej 650 kuaj-fuqi.
Çmimi nuk është bërë i ditur nga ana e Lumma Design.
